المراجل طبعنا والخوي حنا حماه - شبل الدواسر & تميم العريني - استوى المسرى ووجهي بلا وجهه يسير | 2026

إشترك في قناة رائد الحربي الرسمية وفعّل جرس التنبيه للوصول إلى أحدث إصدراته الفنية:
https://youtube.com/@RaedALHarbiFM?si=roVw3G6NHONYENQJ

——

للتواصل ورفع الاعمال على القناة:
https://iwtsp.com/966534942576

__

المراجل طبعنا والخوي حنا حماه - شبل الدواسر (حصرياً) | 2026
ALmarajil tabeuna W alkhwy hanaa hamaah - Shibl Al-Dawasir (Exclusive) | 2026



شيلة مهداه الى
عبدالعزيز عبدالله ال فايز

المراجل طبعنا والخوي حنا حماه
كلمات تميم الفايز العريني
اداء شبل الدواسر
تصميم رائد الحربي


لمتابعة المصمم رائد الحربي عبر الصفحات الإجتماعية :

Instagram: http://cutt.us/S3pzN انستقرام
Snapchat: http://cutt.us/NbrLa
‎سناب شات


-

الكلمات ‏lyrics

استوى المسرى ووجهي بلا وجهه يسير
الوكاد اني مع الليل طاري لي طراه

فوق جيبن ماخذيته ورا شور الشوير
ماخذه لنه من الضيق لي طوق النجاه

ابنصه لامن خذا الليل من شوف الضرير
وافهق الليل المجنّى واصبّح في السراه

ياهنوفن تحسبيني تحت حكمك اسير
الكبر لله وحده ولا نرضى سواه

الحياة هذي محطه ولله المصير
ماخلقت ارضي ضميرك ولا بتبع هواه

لارضيتي زان للطير فالجو المطير
وان زعلتي قلت محنا على حزنك وصاه

عزتي عندي مهمه ولو مات الضمير
باقيه مادام راسي على قيد الحياة

اسمي الي شايله مردفه مجدٍ كبير
من ذكر طاريه يردف بحي الله نباه

مجتهد من طول عمري لجل الاسم الاخير
اسمنا الي نفتخر به ونفخر في ولاه

ذاك ضلع طويق شامخ على عين البصير
الشموخ الي يطرى على السنة الرواة

لين جا في ديرتن حربها شرن شرير
ثم هزع تدنيقة الي يدور للرضاه

ديرت السبعان ربعي هل الصيت الشهير
كم عقيدٍ دون حد ارغبه طشو دماه

الجبل هازع لنا كلّ صعب النا يسير
والمراجل طبعنا والخوي حنا حماه

من عريناتن تصاغر لها كل العسير
من خلقنا الله وحنا مطانيخ ودهاه

وياسلام الله على من تخيّر كل خير
عمي الي به نماري ونفخر في صداه

يعطي الجزلات وافي عطا كفه غزير
لو يجي للطيب وجهه يصير الاتجاه

كل ماجا ليلٍ اكلح غدا نورٍ منير
مثل نور الشمس وجهه سِفَر منهو نصاه

فزعته عجله ويجبر بها عظم الكسير
جابله ربي على الجود من عالي سماه

يرتكي للكايده مايفكر يستخير
دون ربعه ماحسب للخساير والغناه

ان وقف قال ازهلوها يصير الي يصير
وان برك مايبرك الا لجل ركن الصلاة

عمدنا يالاد فايز وهو والله الامير
الامير الي على الطيب مانلحق مداه

ايه يعبدالعزيز ايه ياريف القصير
ايه يالي يفعل الطيب ما دوّر جزاه

بو محمد غير والناس ياعربان غير
انشدو ابناء عمه وربعه واقصراه

النعم ماجت هديه ولا عطوة بشير
النعم من طيب راسه وفعله قد خذاه

الكريم النادر الوافي الشهم المغير
محزمن مطنوخ صامل وله قدرن وجاه

البعير الي ليا صار للحمله بعير
والشطير الي يدوس الخطر دون اخوياه

ولد منهو سل سيفه بعد صاح النذير
ماتعذّر *بالعمر لا * ولا حزّة صباه

في السبيّة وقع سيفه ونجران وعسير
*ويوم حايل* سام عمره وباعه واشتراه

فايزين وال فايز على الاعدا سعير
الخصم تبرد عظامه ويبلش في حكاه

من سبيع ابنا عامر هل السيف الشطير
ترتع البل في كنفنا ولا نطلب وصاة

لا اعتزينا نارد الجم محمود النظير
وتصبح الارض الوسيعه كبر عين القطاه

يوم كانت نجد تطحن رحاها تستدير
كم عقيدن حولوبه على الارض الصفاة